Çifti i njohur i rrjeteve sociale, Marjan dhe Pranvera, të cilët në nëntor të vitit të kaluar u bënë prindër për herë të parë, kanë emocionuar ndjekësit me një gjest shumë domethënës.
View this post on Instagram
Sot, Pranvera ka vendosur të bëjë një tatuazh special, që do ta shoqërojë përgjatë gjithë jetës — kohën e saktë kur ka ardhur në jetë djali i saj, Jani.
Në një video të ndarë në rrjete sociale, ajo ka treguar momentin kur bën tatuazhin dhe ka ndarë me ndjekësit emocionet e forta që ka përjetuar. Në të njëjtën video, Pranvera ka përfshirë edhe disa pamje nga momenti i lindjes së djalit, duke sjellë për herë të parë disa çaste intime nga momenti i ardhjes në jetë të vogëlushit.
“12:44”— takimi im i parë me Janin. Momenti kur unë rilinda. Emocioni më i fortë dhe i bukur i jetës time. Faleminderit Zot”, shkroi Pranvera në postimin e saj.
View this post on Instagram
Pranvera dhe Marjani janë ndër çiftet më të dashura për publikun, të njohur për energjinë e tyre pozitive dhe për mënyrën se si ndajnë me ndjekësit momente të përditshmërisë dhe të jetës familjare.
Që prej lindjes së djalit, ata kanë ndarë disa kujtime të ëmbla, por kjo herë ka qenë veçanërisht emocionuese, pasi tatuazhi simbolizon një kujtim të përjetshëm për ditën më të rëndësishme të jetës së tyre. /Prive By Liberta Spahiu
