Reperja e njohur shqiptare, Tayna, po vazhdon të shënojë suksese të njëpasnjëshme, duke kaluar tashmë edhe kufijtë e Ballkanit.
Kënga e saj e suksesshme me titull “Si Ai”, ka marrë një përhapje të jashtëzakonshme në Amerikën Latine, konkretisht në Brazil, ku po dëgjohet në çdo ambient.
Përmes disa postimeve në rrjetet sociale, Tayna ka ndarë me krenari faktin se kjo këngë, e cila është shkruar dhe komponuar tërësisht nga vetë ajo, tashmë po dominon në territorin brazilian.
Përveç versionit origjinal, suksesi i “Si Ai” ka nxitur edhe artistë të huaj të realizojnë versionet e tyre.
Një nga këto bashkëpunime vjen nga artisti Felipe Amorim, i cili ka sjellë një version tjetër të këngës në Brazil.
Ky arritje konfirmon edhe një herë talentin e Taynës si autore dhe performuese, duke dëshmuar se muzika shqipe ka fuqinë të depërtojë në skenat më të largëta botërore. /Prive By Liberta Spahiu
