Tayna nuk ndalet as gjatë pushimeve, duke dëshmuar edhe njëherë përkushtimin e saj ndaj muzikës dhe karrierës.
Edhe pse ndodhet larg skenës, ajo ka zgjedhur të shfrytëzojë kohën për t’u përgatitur me intensitet për sezonin vjeshtë-dimër, i cili tradicionalisht sjell projekte të reja muzikore. N
ë një vlog të publikuar në TikTok, reperja shihet duke punuar me vokalin e saj nën udhëheqjen e këngëtares së njohur Adelina Thaçi, një emër me përvojë të madhe në këtë fushë.
Përveç ushtrimeve vokale, kamera ka kapur edhe momente kur Tayna është e përqendruar në shkrimin e teksteve të reja, duke dëshmuar se krijimtaria e saj nuk ka ndërprerje.
Nuk është sekret që Tayna është një ndër të paktat artiste që shkruan vetë tekstet e këngëve të saj, duke i dhënë një dimension personal dhe origjinal çdo projekti që sjell për publikun.
Ky dedikim dhe autenticitet e kanë bërë atë të shquhet në tregun muzikor, duke krijuar një identitet të veçantë që e dallon nga të tjerët. /Prive By Liberta Spahiu
@doruntina
