Në mediat sociale po qarkullon lajmi se dy prej aktoreve më të njohura turke, Demet Özdemir dhe Büşra Develi, janë përfshirë në një përplasje të fortë në setin e serialit “Eşref Rüya”, i cili ka tërhequr vëmendje të madhe këtë sezon.
View this post on Instagram
Sipas faqes “Magazinane”, konflikti ka nisur pas një postimi të Büşra Develit, që thuhet se e ka vendosur Demet-in në një pozitë të sikletshme dhe e ka paraqitur në mënyrë përçmuese. Ky veprim mësohet se ka shkaktuar pakënaqësi të madhe tek Özdemir dhe ka sjellë tensione të dukshme në set.
Publikimi i këtij postimi ka shkaktuar debat të madh në rrjete sociale, ku ndjekësit janë ndarë në dy kampe: disa mbrojnë Demet Özdemir duke e quajtur reagimin e saj të drejtë, ndërsa të tjerë mendojnë se situata është ekzagjeruar nga media.
View this post on Instagram
Mediat turke ende nuk kanë dhënë një konfirmim zyrtar për incidentin, ndërsa produksioni i serialit nuk ka reaguar publikisht për këtë përplasje që tashmë po komentohet gjerësisht online.
Fansat po pyesin: “A është ky një keqkuptim i momentit apo një krisje e vërtetë mes dy aktoreve të njohura?”
Ndërkohë ndjekësit kanë shpërthyer në komente, disa duke e quajtur lajmin “gënjeshtër” dhe duke mbrojtur aktoret, të tjerë duke ironizuar situatën dhe duke përmendur se “Eşrefi duhet të jetë xheloz”, duke iu referuar personazhit mashkull të serialit.
“Yalan (gënjeshtër)”, “Eşrefi u bë xheloz nga bukuria e tyre”, dhe “Nuk besoj të kenë zënë keq, janë shumë profesionale”, janë disa nga komentet që po qarkullojnë masivisht nën postimin viral. /Prive By Liberta Spahiu
