Egzon Pireci ka lansuar për publikun projektin e tij më të fundit muzikor.
Kënga e re, e cila mban titullin “Thirrem”, vjen e kompletuar në çdo detaj dhe është vizualizuar edhe me një videoklip, duke i ofruar dëgjuesve një përvojë të plotë artistike.
Për këtë projekt, këngëtari ka zgjedhur të bashkëpunojë me emra shumë të njohur dhe të dëshmuar të tregut muzikor shqiptar. Vija melodike dhe muzika janë realizuar nga kantautori i mirënjohur Armend Rexhepagiqi, ndërsa vargjet e tekstit mbajnë vulën e tekstshkrueses së njohur, Aida Baraku.
Ky krijim i ri muzikor, i cili bashkon vokalin e Pirecit me profesionalizmin e dyshes Rexhepagiqi-Baraku, është publikuar në platformat digjitale nga shtëpia e njohur diskografike, Fole Publishing.
Kënga bashkë me videoklipin tashmë janë të qasshme për të gjithë adhuruesit e muzikës së tij.
/Prive By Liberta Spahiu
