Heidi Klum ka mbrojtur qëndrimin e saj për të qëndruar topless përpara fëmijëve të saj dhe ka shpjeguar ndikimin përfundimtar që kjo ka pasur tek ata.
Ylli i modës postoi foto të saj dhe vajzës së saj, Leni Klum, në Instagram, dhe u përball me kritika pasi një video tregonte 52-vjeçaren duke luajtur me të brendshmet e vajzës së saj.
Që kur Leni mbushi 18 vjeç, ajo ka bashkëpunuar me nënën e saj – modele dhe personazh televiziv – në fushata që përfshijnë veshje intime dhe rroba nate.
Kjo ndodhi në vitin 2023 dhe Heidi Klum u përball me shumë reagime negative, të cilat i ka adresuar drejtpërdrejt.
Në një intervistë për People, ajo tha:
“Shumë njerëz thonë: ‘Nuk e di sa e përshtatshme është që një nënë dhe bijë të bëjnë këto gjëra së bashku’. Por për ne? Unë jam krenare për vajzën time. Ajo ndjehet rehat me mua ashtu. Gjithmonë kam qenë shumë e hapur me trupin tim. Kur marr rreze dielli në oborr, mund të jem pa bluzë. Jam europiane. Fëmijët e mi nuk më njohin ndryshe dhe ndoshta për këtë arsye ndihen më të lirë dhe më të çliruar me trupin e tyre.”
Edhe pse Heidi Klum mund të jetë më e hapur me fëmijët e saj sesa një nënë tipike, ajo tregon se shqetësimet prindërore i ka si të gjithë.
Ajo ka Leni-n (21 vjeç) nga marrëdhënia me biznesmenin Flavio Briatore, si dhe Henry-n (19), Johan-in (18) dhe Lou-n (15) nga martesa me këngëtarin Seal.
“Kur janë të vegjël, ke frikë se mos hidhen në pishinë apo fusin gishtin në prizë,” – tha ajo.
“Pastaj vijnë makina, pastaj seksi, droga dhe rock’n’roll-i. Ti vetëm shpreson që fara që u ke mbjellë do të rritet. Që do të jenë njerëz të mirë. Që do të jenë të shëndetshëm. Por gjithmonë shqetësohesh. E di që edhe kur të jem 80 vjeç, do të vazhdoj të shqetësohem.”
Klum ka folur gjithashtu për Mail Online lidhur me polemikat që shpërthyen para dy vitesh për përfshirjen e vajzës së saj në reklamat e veshjeve intime.
“Ka qenë argëtuese të xhirojmë së bashku. Të bëjmë sesione fotografike me njëra-tjetrën dhe të shoh se sa rehat ndihet ajo, edhe gjatë xhirimeve me të brendshme apo diçka të ngjashme.
Më bën krenare fakti që vajza ime ndihet shumë rehat në lëkurën e saj – edhe përpara meje – sepse jo çdo fëmijë e ka këtë ndjenjë në këtë botë.
Prandaj, më pëlqen që kemi këtë marrëdhënie të bukur.”/Prive By Liberta Spahiu
