Blerta ka dhënë detaje të reja rreth gjendjes shëndetësore të saj.
Pas shqetësimeve të ndara dje nga bashkëshorti i saj, Blero, i cili theksoi se Blerta nuk arrin të ushqehet dhe ka humbur rreth 7 kg peshë, vetë Blerta ka folur sot përmes një postimi në ‘Story’ në Instagram.
Në postimin e saj të sotëm, Blerta ka treguar pamje të një infuzioni. Ajo shoqëron imazhin me një mesazh dhimbës në gjermanisht, duke shprehur se po përpiqet të marrë ushqim, por nëse kjo vazhdon të dështojë, ajo do të duhet të kthehet sërish në spital.
Blerta thekson se kthimi në spital është diçka që ajo dëshiron ta shmangë me çdo kusht, megjithatë, ajo pranon se gjendja është kritike. Ajo shkruan:
“Po përpiqem edhe një herë të marr ushqim. Nëse kjo vazhdon dhe nuk funksionon fare, do të më duhet të kthehem sërish në spital… gjë që sinqerisht dua ta shmang. Por trupi im është në kufijtë e tij dhe forca ime po më dobësohet gradualisht.”
Ajo tregon qartë se po përballet me lodhje dhe mungesë energjie si pasojë e mosushqyerjes.
