Pas një situate të tensionuar në formatin “Ferma VIP 2”, ku protagonist është Big Basta, ka reaguar ashpër bashkëshortja e tij, këngëtarja e njohur Vesa Luma.
@big.brother.007 #fermavipalbania #fermavipalbania2 #albania #kosova #fyp #shqiperia #viral #viral_video #diaspora #diasporatiktok #FYP #tirana #prishtina #durres ♬ original sound – big.brother.007
Përmes një postimi në rrjetet sociale, Vesa shprehet e tronditur nga ngjarja që ka ndodhur gjatë transmetimit live, duke e cilësuar jo vetëm “të dëshpëruar” por edhe “jo njerëzore”, në mënyrën si është trajtuar bashkëshorti i saj nga një tjetër pjesëmarrëse – Big Mama.
“Patjetër që presim përjashtimin e saj të menjëhershëm për rregullin themelor që ka thyer në një televizion kombëtar”, shkruan artistja, duke shtuar se përfshirja e fëmijëve në lojë, pa lejen e prindërve, nuk është më argëtim – është personale.
Në një reagim të gjatë dhe emocional, Vesa thekson se Big Basta ka hyrë në këtë format “për të luftuar injorancën, për të sfiduar stereotipet e ‘gangsterllikut’ që i kanë zënë frymën këtij vendi”. Ajo shton se ai ka hyrë në Fermë për të dhënë një shembull për djalin e tij dhe për gjithë rininë shqiptare.
“Dhe këtë rrugë duhet ta çojë deri në fund, bashkë me të gjithë ju që i keni dhënë mbështetje pafund deri tani”, përfundon ajo, duke falënderuar publikun për reagimin dhe solidaritetin.
Ngjarja po shkakton reagime të shumta në rrjet, ndërkohë që publiku pret një vendim nga produksioni i “Ferma VIP 2”. /Prive By Liberta Spahiu
