Prezantuesi i njohur Visar Kalludra ka ndarë lajmin më të bukur të jetës: është bërë baba për herë të parë.
Në një postim në InstaStory, ai ka zbuluar se para një jave ka ardhur në jetë vajza e tij, të cilën e quan një dhuratë të pastër nga Zoti.
“Falënderimi i takon Allahut që na e dhuroi këtë bekim. Sot një javë më parë, u gëzuam me ardhjen në jetë të vajzës sonë. Një dhuratë e pastër nga Zoti, Elhamdulilah për gjithçka,” ka shkruar Visari krahas një fotografie ku shihet i përqafuar me të bijën.
Visari prej kohësh është larguar nga jeta publike dhe është zhvendosur në Zvicër, ku jeton me partneren e tij shumëvjeçare.
Urimet për çiftin e ri nuk kanë munguar, ndërsa ky kapitull i ri në jetën e Visarit është pritur me shumë emocion edhe nga ndjekësit e tij.
Urime edhe nga ne! /Prive By Liberta Spahiu
