Ish-banorja e Big Brother VIP Kosova 3, Drenusha Latifi, duket se ka krijuar një lidhje të veçantë me shtetin spanjoll.
Pas vizitës që pati në muajin shkurt në Barcelonë së bashku me fëmijët e saj, ajo ka vendosur të rikthehet sërish në Gadishullin Iberik.
Përmes disa postimeve në Instagram Story, Drenusha ka zbuluar se tashmë ka nisur një tjetër udhëtim, por këtë radhë destinacioni është ndryshe.
Ajo po shijon pushimet në Salou të Katalunjës, një zonë e njohur për bregdetin e saj mahnitës dhe arkitekturën karakteristike.
Në foton e postuar, ku shihet e veshur thjeshtë dhe me stil para një porte dekorative, Drenusha ka bashkangjitur edhe mbishkrimin domethënës:
“Viva la vida….” apo në shqip “Rroftë jeta”, duke treguar se po shijon çdo moment të kësaj periudhe.
Ndryshe nga hera e kaluar, këtë udhëtim ish-missi ka zgjedhur ta realizojë në shoqërinë e një mikeshe të saj, duke u larguar për pak kohë nga përditshmëria për të shijuar diellin dhe atmosferën pozitive të bregdetit spanjoll. /Prive By Liberta Spahiu
