Presidentja e Republikës së Kosovës, Vjosa Osmani, sot feston ditëlindjen.
Vjosa po mbush plot 43 pranvera!
Sigurisht, që një urim i veçantë nuk kishte se si të mos vinte nga bashkëshorti i saj, Prindon Sadriu.
Ai ka ndarë një fotografi familjare krah dy vajzave të tyre, Dua dhe Anda, duke shprehur dashurinë dhe mirënjohjen e tyre për të.
Në një mesazh emocional, Sadriu e ka cilësuar Presidenten jo vetëm si një bashkëshorte dhe nënë të jashtëzakonshme, por edhe si një grua që me forcën, guximin dhe dashurinë e saj ka frymëzuar dhe vazhdon të frymëzojë shumë gra e vajza anembanë botës.
“Në këtë ditë të veçantë, Dua, Anda dhe unë të falënderojmë nga zemra – jo vetëm si bashkëshorte e nënë të jashtëzakonshme, por edhe si grua që me forcën, guximin dhe dashurinë ke frymëzuar dhe vazhdon të frymëzosh shumë gra e vajza kudo në botë. Me shembullin tënd, shumë vajza guxojnë të ëndërrojnë më lart”, ka shkruar ai.
Urimi përfundon me një dëshirë të ngrohtë për ditëlindjen:
“Gëzuar ditëlindjen! Urojmë që kjo ditë të të sjellë po aq gëzim sa sjell ti në jetën tonë. Të duam shumë!”
View this post on Instagram
Fotografia dhe fjalët e veçanta të Sadriut kanë prekur zemrat e ndjekësve, duke e kthyer urimin në një moment të veçantë familjar dhe një vlerësim publik për figurën e presidentes Osmani – si nënë, grua dhe lidere.
Urime! /Prive By Liberta Spahiu
