Sonte mbahet nata finale e edicionit të 64-të të Festivalit të Këngës në RTSH, ku një nga dyshet më të pëlqyera të publikut janë padyshim Fifi dhe Tiri Gjoci.
Artistët konkurrojnë me këngën e tyre mjaft të ndierë me titull “Rri”, e cila është mirëpritur që në prezantimin e parë.
Pak orë para fillimit të spektaklit, Fifi ka ndarë një mesazh me ndjekësit e saj për të sqaruar një pikë kyçe sa i përket fituesit të këtij viti: Votimin. Sipas njoftimit të saj, televotimi për këtë finale do të jetë i disponueshëm vetëm për personat që ndodhen brenda territorit të Kosovës dhe Shqipërisë.
Artistja ka theksuar gjithashtu një lajm paksa zhgënjyes për fansat e saj të shumtë në diasporë: Nuk do të ketë votim online për ata që jetojnë jashtë Shqipërisë dhe Kosovës. Ky fakt e bën edhe më vendimtare mbështetjen e publikut vendas për të përcaktuar fituesin e madh që do të përfaqësojë Shqipërinë në skenat ndërkombëtare.
“Mbështetja juaj për ne sot do na tregojë shumë”, shkroi Fifi në postimin e saj, duke ftuar të gjithë adhuruesit e muzikës së tyre që të jenë aktivë sonte.
Me harmoninë e vokalit të Tirit dhe fuqinë emocionale të Fifit, kënga “Rri” konsiderohet si një nga pretendentet kryesore për vendin e parë. /Prive By Liberta Spahiu
