Drama e mbrëmshme në Prime-in e Big Brother VIP Kosova 4 ka trazuar jo vetëm publikun, por edhe ish-protagonistët e formatit. Xheneta Fetahu, një nga finalistet më të komentuara të BBVK3, ka bërë një reagim të gjatë dhe tejet të ashpër, duke mos lënë asgjë pa thënë për ndërhyrjen e babait të Tonit.
Në një postim në Instagram, Xheneta ka goditur fillimisht absurditetin e diferencës në moshë që babai i Tonit po promovonte, duke preferuar Eljonën.
“Po i thoshte djalit të vet se ‘duhet me qenë me Elionën’, një vajzë 18-vjeçare, ndërkohë që ai vet i ka 33 vjet dhe është me dy fëmijë. Askush s’po thotë që pse është i ndarë s’ka të drejtë me u martu… por nuk ka asnjë arsye me e degjeneru publikisht Bian,” – shkruan Xheneta.
Ajo ka dalë hapur në mbrojtje të Bias, duke thumbuar pritshmëritë e gabuara të njerëzve për të. Sipas Xhenetës, Bia dihet kush është dhe nuk mund të pritet që të tjetërsohet brenda natës.
“Të gjithë e dimë çfarë profesioni ka ajo. Qysh ka pritë dikush që kur ajo hyn në shtëpi, do të sillet krejt ndryshe, si me qenë me shami? Edhe unë nuk pajtohem që ajo ndoshta e tepron ndonjëherë… por kjo është puna e saj dhe jeta reale e saj. Ajo s’mundet me ndryshu krejt papritmas veç pse është në një shtëpi televizive.”
Ish-banorja ka ngritur zërin edhe për lirinë e Tonit, duke e cilësuar të tepërt që publiku dhe familja të merren me jetën e një burri të pjekur.
“Sa gjatë keni me u marrë me këto gjëra? Njeriu 33 vjeç duhet me pasë të drejtë me jetu jetën e vet siç e ndjen ai vet,” – thekson ajo, duke paralajmëruar ndjekësit të mos ia deformojnë fjalët.
Në mbyllje, Xheneta ka dhënë një mesazh prekës për prindërit. Duke qenë vetë pa prindër, ajo thekson se e di vlerën e tyre, por kjo nuk justifikon çdo ndërhyrje.
“Nuk jam kurrë kundër mos me dasht e respektu nënën e babën, se vetëm kush s’i ka, e din sa vlerë kanë. Por duhet ditë edhe ku është vendi i tyre në disa situata. Dhe mos harrojmë: dashuria nuk imponohet, dashuria ndjehet.” /Prive By Liberta Spahiu
