Dy emra që shpesh janë përmendur si rivale, sot u gjendën nën të njëjtën çati televizive. Egli dhe Xheneta kanë nisur sezonin e ri në “E Diell” në Top Channel, secila në rubrikën e saj. Ky takim në të njëjtin format ka ngjallur menjëherë kureshtje, duke qenë se marrëdhënia mes tyre nuk është përfolur si miqësore.
Egli debutoi si moderatore e re e emisionit, duke u shfaqur elegante me një fustan të bardhë, ndërsa Xheneta, pjesë e rubrikës së Edi Manushit, zgjodhi një fustan të kuq të zjarrtë. Dy prani të forta, dy stile të ndryshme, por të vendosura për të lënë shenjë në ekran.
Në rrjete sociale, Xheneta u shpreh: “E lumtur dhe mirënjohëse që edhe këtë sezon do të jem pjesë e @ediell_topchannel 🌞. Një falënderim i veçantë shkon për @edmanushi dhe @jetmiraagalliu për mbështetjen, besimin dhe dashamirësinë”.
E gjithë vëmendja sot ishte tek ato, dhe ndoshta ky sezon do të sjellë jo vetëm përballje profesionale, por edhe një raport të ri mes dy protagonisteve të ekranit. /Prive By Liberta Spahiu
