Teksa “Ferma VIP” i afrohet finales më 20 qershor, tensionet dhe deklaratat mes banorëve dhe ish-banorëve nuk kanë munguar. Një prej komenteve të publikut të lexuar në sallon, i drejtohej fermerit Ylli me pyetjen: “Cila nga vajzat e Fermës ka qenë fiksimi yt?” – dhe përgjigja e tij nuk kaloi pa bujë.
Ylli befasoi të gjithë kur përmendi Nurin si një vajzë që kishte qenë fiksimi i tij, duke shtuar se mes tyre kishte pasur një njohje jashtë emisionit. Kjo deklaratë solli menjëherë një reagim të prerë nga vetë Nur, e cila publikoi një deklaratë të gjatë dhe të detajuar në Instagram, ku i hodhi poshtë të gjitha pretendimet e Yllit.
View this post on Instagram
“Dua të bëj një sqarim të qartë dhe të drejtpërdrejtë për të shmangur çdo keqkuptim apo thashethem që mund të jetë përhapur së fundmi. Nuk kam asnjë lidhje me Yllin – as në të kaluarën, as në të tashmen. Gjithashtu, nuk kam pasur ndonjëherë ndonjë njohje personale, as jashtë, e as në ndonjë rrethanë tjetër me të”, shkruan ajo.
Në deklaratën e saj të qartë, Nur shton se është e rëndësishme për të që njerëzit të kuptojnë se çdo informacion që aludon për ndonjë marrëdhënie apo lidhje mes saj dhe Yllit nuk është i vërtetë. “Thjesht nuk ekziston një gjë e tillë dhe nuk ka pasur asnjëherë. Faleminderit të gjithëve që e lexojnë këtë sqarim me mirëkuptim”, thekson ajo.
Ajo vijon më tej duke thënë se preferon të qëndrojë e drejtë dhe e qartë me publikun, për të mos lejuar përhapjen e lajmeve të pavërteta që mund të ndikojnë negativisht në imazhin e saj apo të dikujt tjetër. Në fund të postimit, ajo mbyll me një notë të prerë e pa mëdyshje: “Faleminderit dhe me ktu e mbyll”.
Kjo deklaratë ka ngritur shumë pikëpyetje mbi qëllimet e Yllit dhe vërtetësinë e fjalëve të tij. A është kjo një përpjekje për vëmendje, apo thjesht një kujtim i shtrembëruar nga ana e tij? Një gjë është e sigurt: Nur nuk pranon të mbajë mbi supe një histori që, sipas saj, nuk ka ekzistuar kurrë. /Prive By Liberta Spahiu
