I pozicionuar në rooftop-in e hotelit Courtyard by Marriott në kryeqytet, YSABEL sjell një koncept unik të shtrirë në tre kate: dy restorante luksoze – një italian në katin 22 dhe një aziatik në katin 23 – si dhe një rooftop bar në katin 24 me pamje mbresëlënëse të Prishtinës.
Ky projekt e ngre përjetimin kulinar në nivelet më të larta ndërkombëtare.
Arkitektura e jashtëzakonshme është realizuar nga studioja prestigjioze londineze BAH Projects, e njohur për krijimin e disa prej brendeve më ikonike botërore si Annabel’s, Sexy Fish, Gaia, Harry’s Bar, The Wolseley City, Ivy Asia e shumë të tjera.
Menuja ekskluzive e YSABEL është hartuar nga shefi me famë botërore Paul Greening – ish Group Executive Chef i Novikov dhe Aqua Kyoto në Londër, si dhe shef i Pier Restaurant në Sydney e shumë destinacioneve të tjera. Ai njihet për inovacionin dhe artin e tij të veçantë në kuzhinë.
Pas këtij projekti inovativ qëndrojnë tre figura kyçe të gastronomisë moderne. Dekorim Sahiti dhe Genc Gashi kanë transformuar skenën gastronomike të Kosovës pas luftës, duke ndikuar thellë edhe në stilin e jetesës për të cilin Prishtina njihet sot. Ndërkohë, Baton Berisha ka ndërtuar një karrierë të shkëlqyer në Londër, ku ka menaxhuar brendet më prestigjioze të industrisë, përfshirë The Ivy Collection (Group), Caprice Holdings – me restorante ikonike si Scott’s dhe Sexy Fish në Londër e Miami – Bacchanalia, Birley Group me klubet ekskluzive Annabel’s, George Club dhe Harry’s Bar, si dhe zinxhirin Bill’s Restaurants.
YSABEL synon të bëhet destinacioni më i mirë gastronomik në rajon e më gjerë.
Hapja solemne pritet të ndodhë këtë vjeshtë, duke e shndërruar Prishtinën në adresën më të re të shijes, luksit dhe përjetimeve të paharrueshme.
