Për varrimin e Eldionit, vëllait të artistit Gjesti, janë ngritur shumë kritika në opinion publik.
Shkak është bërë ekspozimi i madh i momentit nga të pranishmit, ku një pjesë e tyre kanë nxjerrë telefonat për të filmuar takimin mes Gjestit dhe Eglit, duke e shndërruar një ceremoni mortore në skenë për rrjetet sociale.
Aktivistja dhe autorja e emisionit “Zanat”, Zana Avdiu, ka reaguar ashpër duke e cilësuar këtë sjellje si treguesin më të qartë të një shoqërie të kalbur moralisht.
Ajo u shpreh se në vend që mbi varr të mbizotëronin heshtja, dhimbja dhe nderimi, gjithçka u kthye në një shfaqje të turpshme për showbizin, ku edhe dhimbja për humbjen e një jete të re u instrumentalizua.
“Na fal, Eldion! Na fal që jemi një shoqëri e kalbun, që nuk din me i ruajt as të gjallët, as të vdekunët. Që edhe vdekjen tande e shndërruam në spektakël, në një skenë turpi ku humben edhe ndjenjat më elementare njerëzore”, shkruan Avdiu, duke shtuar ngushëllime të thella për familjen Kelmendi.
/Prive By Liberta Spahiu
