Situata mes Neda Ballukut dhe bashkëshortit të saj, Ogren Balluku, ka kaluar në një tjetër nivel, duke përfunduar në përplasje të hapur në dyert e Gjykatës së Tiranës.
Gjithçka nisi më 16 janar, kur Gjykata lëshoi një urdhër mbrojtjeje të menjëhershëm për Neda Ballukun, pas pretendimeve të saj për dhunë të ushtruar nga bashkëshorti.
Vetëm pak ditë më pas, Ogreni i është drejtuar po ashtu drejtësisë duke kërkuar mbrojtje. Ai pretendon se është viktimë e dhunës së vazhdueshme verbale dhe psikologjike, duke renditur fjalë ofenduese dhe kërcënime të rënda që, sipas tij, i janë drejtuar nga bashkëshortja.
Përveç dhunës verbale, Ogren Balluku ka deklaruar në gjykatë se ndihet i survejuar. Ai pretendon se moderatorja ka përdorur kamerat e bizneseve private për të ndjekur lëvizjet e tij dhe ka paraqitur prova që, sipas tij, vërtetojnë se banesa e tij po përgjohej.
Kjo krizë e thellë në familjen e vëllait të zv/kryeministres ka marrë vëmendje të madhe, ndërsa pritet që drejtësia të zbardhë të vërtetën e këtyre akuzave të ndërsjella, shkruan Joq Albania.
Dëshmia e Ogren Ballukut:
“Kam pasur shqetesime te vazhdueshme nga bashkeshortja ime Neda Balluku dhe do te kerkoj te pajisem me Urdher te Menjehershem Mbrojtje per vete dhe djalin tim.… Jam i dhunuar verbalisht me fjalet me te ulta qe mund ti thuhen nje njeriu si (ordiner, hajdut, kriminel, kafshe, etj.)… Me kercenon verbalisht me fjalet do te bej te vrasesh veten, do prekesh fundin, mos gjetsh varr… Une dhe dy djemte e mi jemi te pergjuar ne shtepine tone… Diten e premte me date 16.01.2026 te dy djemt jane perballur me dhune psikologjike ne ambjentet e shkolles “Viktor Hygo”…”.
Megjithatë, Gjykata e Tiranës vendosi rrëzimin e kërkesës së Ogren Ballukut, duke mos pranuar lëshimin e urdhrit të menjëhershëm të mbrojtjes ndaj Neda Ballukut.
Nga ana tjetër, Neda Balluku pretendon se ish-bashkëshorti e pengon në mënyrë të paligjshme të takojë fëmijët, e nxjerr nga banesa dhe e ofendon në sy të tyre, duke i manipuluar kundër saj.
Dëshmia e Neda Ballukut:
“Kam per te deklaruar se per daten 20.01.2026 une me shtetasin Ogren jam takuar vetem ne sallen e gjyqit…nuk e kam kercenuar apo dhunuar fizikisht apo psikologjikisht kete shtetas… kam shkuar ne shkolle per te takuar femijet sipas vendimit te gjykates por nuk jam lejuar… ai ofendon, shan dhe denigron mua ne sy te femijeve… kam bere disa kallëzime dhe kam marrë urdhër mbrojtjeje sepse nuk më lejonte të takoja vajzën sipas vendimit të gjykatës…”.
Sipas saj, kërkesa e ish-bashkëshortit për urdhër mbrojtjeje është bërë si kundërpeshë ndaj vendimit të marrë më herët në favor të saj dhe si tentativë për të penguar zbatimin e vendimeve gjyqësore për takimin me fëmijët. /Prive By Liberta Spahiu
