Gjatë një paraqitjeje në Late Night with Seth Meyers të martën, më 12 gusht, Kravitz, 36 vjeç, zbuloi se Swift, 35 vjeç, i kishte ofruar asaj dhe nënës së saj Lisa Bonet një vend ku të qëndronin gjatë zjarreve në Los Angeles — gjë që çoi në një situatë interesante që përfshinte gjarprin e nënës së saj.
“Mamaja ime ka një gjarpër si kafshë shtëpiake, dhe ajo erdhi me gjarprin,” tha ajo, duke shtuar për evakuimin nga shtëpitë e tyre: “Përfunduam duke qëndruar atje për afërsisht dy javë.”
“Taylor ka një shtëpi shumë të bukur nga vitet ‘30, është një vend që do të doje ta ruaje dhe kujdesesh për të,” vazhdoi Kravitz. “…Ishte dita e fundit, unë do të largohesha për punë, ndërsa mamaja ime do të qëndronte më gjatë … dhe po i thosha mamit: ‘Dua vërtet të jem një e ftuar e mirë … nuk dua që ajo të kuptojë që kemi qenë këtu fare.’”
Ylli i Blink Twice tha se ndërsa po paketonte gjërat e saj, mamaja e saj e telefonoi për një problem.
“Ajo thotë… ‘Jam në një situatë të sikletshme, a mund të vish lart?’ … dhe ajo është në banjë, e ulur në një cep në një mënyrë të çuditshme,” kujtoi Kravitz. “Ajo thotë: ‘Po laja fytyrën dhe kisha me vete Orpheus-in (emri i gjarprit), e lashë për një çast, mbylla derën dhe ajo gjeti një vrimë të vogël në cep.’”
Kravitz tha se gjarpri ishte futur në “një vrimë të vogël” në cepin e banjës së Swift, përpara se Bonet, 57 vjeç, ta kapte shpejt nga bishti.
“Vrima ishte pranë një banaku që ishte i ndërtuar në mur dhe kishte dy sirtarë poshtë,” përshkroi ajo. “…U ula përdhe, hoqa sirtarët [dhe] ndërkohë që po ndodhte kjo, gjarpri po futej gjithnjë e më thellë … Unë isha në panik total.”
Kravitz tha se përfundimisht telefonoi menaxherin e shtëpisë, i cili solli një levë për të “shkatërruar” banakun dhe për të kapur gjarprin.
“Po çanim pllakat, po gërvishtnim muret … [Ne] e shkatërruam plotësisht banjën e Taylor-it,” pranoi aktorja. Kravitz tha se kishte ofruar të paguante për të rregulluar banjën dhe që Swift të mos merrte vesh “derisa të ishte rregulluar.”
“Mbaj mend që e telefonova dhe i thashë: ‘Hej … doja të flisja për diçka,’” kujtoi Kravitz. “Dhe ajo më tha: ‘Është për faktin që pothuajse humbët një gjarpër në shtëpi dhe shkatërruat banjën time?’”
Kravitz dhe Swift janë bërë mikesha të ngushta vitet e fundit. Në vitin 2022, Kravitz tregoi se ato u afruan pasi kaluan kohë bashkë në Londër gjatë pandemisë së COVID-19 në vitin 2020.
Ylli i Big Little Lies gjithashtu mori pjesë në koncertin Eras Tour të Swift në gusht 2024, duke parë një nga shfaqjet e këngëtares në Londër bashkë me ish-të fejuarin e saj Channing Tatum./Prive By Liberta Spahiu
