Mesa duket, të gjitha inatet, hatërmbetjet dhe xhelozitë mes dy ish-banoreve të Big Brother VIP Albania 3, Sarës dhe Ilnisës, i ka marrë era! Të dyja janë parë shumë të buzëqeshura e të lumtura në shoqërinë e njëra-tjetrës, duke lënë pas çdo tension të shtëpisë më të famshme në Shqipëri.
E gjitha ndodhi gjatë emisionit të Sarës “Vajzë apo Djalë?”, ku e ftuara e së dielës ishte vetë Ilnisa Agolli – një nga figurat më të zhurmshme të showbiz-it shqiptar. Siç pranoi edhe vetë Sara në një postim në Instagram, për herë të parë nuk pati debat mes tyre… por vetëm emocione të forta dhe rrëfime prekëse.
Sipas të gjithave gjasave, ky takim i ka afruar dy vajzat, të cilat vendosën të lënë pas të shkuarën për të treguar një dimension të ri të femrës shqiptare: atë të një nëne të fortë, që ndjek ëndrrat e saj, por nuk lë pas as dashurinë për fëmijën – bekimin më të madh të jetës.
View this post on Instagram
