Reperi Sinboy është rikthyer sërish në vëmendjen e publikut me një seri postimesh të cilat kanë ngjallur reagime të shumta.
Në profilin e tij në Instagram, ai ka ndarë imazhe të vajzave të panjohura nga pas, të realizuara në ambiente publike, duke pretenduar se ka kryer marrëdhënie seksuale me gjashtë, më pas shtatë dhe në fund tetë prej tyre brenda vetëm dy ditëve.
Në njërën nga storiet, ai shkruan: “A shkojmë për tetë?”, ndërsa në tjetrën thotë: “Përkrahni këngën time të re, kam nevojë për para për prezervativë”.
Ky veprim është cilësuar si tejet skandaloz dhe denigrues, për më tepër kur fotot janë shoqëruar me vlerësime numerike për vajzat, pa pëlqimin apo identitetin e tyre të zbuluar.
Publikimi i tillë ka nxitur kritika për përçmim, objektivizim të grave dhe mungesë totale të respektit për etikën publike.
Sinboy njihet për sjellje kontraverse, por këtë herë kufijtë janë tejkaluar hapur. Kjo nuk është hera e parë që artisti përfshihet në situata të ngjashme, duke e përdorur vëmendjen për të promovuar muzikën e tij në mënyra jo konvencionale dhe provokuese.
Nuk ka ende një reagim apo ndjesë nga vetë artisti për përmbajtjen e publikuar, ndërsa reagimet në rrjete sociale po shtohen dita ditës. /Prive By Liberta Spahiu
