Dje në rrjetet sociale shpërtheu lajmi se këngëtari i njohur Blero mund t’i ketë dhënë fund lidhjes së tij me partneren e re, Agneta. E ndërsa ndjekësit u vërsulën për të zbuluar të vërtetën, artisti ka reaguar… në mënyrën më “artistike” të mundshme.
Në një postim në Instastory, ai ka ndarë një foto bardhë e zi ku shihet i ulur në një tavolinë, me syze dielli dhe një shprehje të ngrirë në fytyrë, duke mbajtur dorën e një gruaje misterioze, veshur me fustan leopard. Nuk ka asnjë tag, asnjë emër.
Vetëm një mbishkrim intrigues:
“Maria Maria
Hajde dhez me mu
hajde dhez me mu
Ohh Vija Vija Vija
Ti bon be ne mu 😉”
Nuk dihet nëse këto vargje janë pjesë nga ndonjë këngë e re që pritet të publikohet, apo një “diss” i tërthortë për situatën aktuale në jetën e tij sentimentale.
Por një gjë është e sigurt: Blero ka paralajmëruar për datën 25 maj publikimin e albumit të tij të ri, i titulluar simbolikisht “The End”.
Ky titull i drejtpërdrejtë ka ngritur menjëherë pyetjen që po qarkullon në rrjete: A është “The End” një metaforë për fundin e një dashurie? Apo një sinjal për të mbyllur një kapitull në muzikë, ndoshta edhe vetë karrierën?
Në mungesë të fjalëve të qarta, mbetet të kuptojmë Bleron nga vargjet… dhe ndoshta nga këngët që do të vijnë shumë shpejt. /Prive By Liberta Spahiu
