Producenti i serialit “Logjikonomia”, Fisnik Ademi i ka reaguar influencerës, Benita Zena e cila paralajmëroi padi ndaj aktorëve lidhur me episodin që trajtoi fenomenin e “Dubait”.
Ademi ka thënë se nuk ka qenë asgjë personale, por është trajtuar vetëm fenomeni.
“Na nuk jemi marr me një person të caktuar, jemi marr me fenomenin. Kemi marr karakteristika të plot personazheve. Nuk njihemi personalisht me asnjë nga këto vajzat por jemi marr me fenomeni. Ajo influenceria e kishte përmend në rast se bëjmë edhe një episode (do bëjë padi). Por unë dua me ia përcjell kujtdo, që nuk merremi personalisht me askënd, por me fenomenin”, tha producenti në Kosova Live.
Një ndër reagimet më të zëshme, pas publikimit të episodit erdhi nga influencerja Benita Zena e njohur në rrjete sociale për ndërhyrjet estetike, përfshirë dhëmbët e saj prej 18 mijë eurosh e cila në një intervistë shprehu pakënaqësinë ndaj përmbajtjes së episodit dhe paralajmëroi veprime ligjore.
Në një intervistë për Prive By Liberta Spahiu, Benita deklaroi se do të padisë autorët e serialit nëse referenca të tilla ndaj saj përsëriten. Ky reagim i tij vjen pas intervistës së saj.
Në linkun më poshtë mund ta dëgjoni intervistën e Benitës të plotë! /Prive By Liberta Spahiu
