Pas një periudhe të gjatë heshtjeje dhe dhimbjeje, artisti i mirënjohur Gjesti është gati t’i rikthehet skenës muzikore.
Ky rikthim vjen pas një pauze të vështirë për këngëtarin, i cili u tërhoq nga syri i publikut për t’u qëndruar pranë familjarëve pas humbjes tragjike të vëllait të tij në një aksident me motor.
Vetë Gjesti kishte bërë të ditur më parë se kjo kohë larg muzikës ishte e nevojshme për t’u fokusuar te familja në këto momente të rënda.
Por, me sa duket, muzika do të jetë mënyra e tij për t’u ringritur.
Lajmin e ka konfirmuar menaxheri i tij, Bonart Ajvazi, përmes një postimi në Instagram.
I pyetur nga ndjekësit se kur do të publikojë
Gjesti projektin e radhës, ai u përgjigj: “Më shpejt se sa shpejt”.
Fansat, të cilët i kanë qëndruar pranë me mesazhe ngushëllimi dhe mbështetjeje gjatë gjithë kësaj kohe, po e presin me padurim këtë projekt që pritet të jetë mjaft emocional. /Prive By Liberta Spahiu
