Në prag të ndeshjes së shumëpritur Shqipëri–Serbi që zhvillohet sot në stadiumin “Air Albania”, fituesja e Big Brother VIP Albania 3, Egla Ceno, ka reaguar me një mesazh në Instagram.
Duke përmendur dhimbjet që Serbia ka shkaktuar në Kosovë, ajo kërkon që arti dhe sporti të mos përzihen me politikën.
“Serbët na kanë lënduar vëllezërit Kosovarë por ju lutem mos ngatërroni artin dhe sportin me politikën (politika iz ë biç)” – shkruan Egla, duke theksuar se shqiptarët duhet të tregojnë nivel dhe mikpritje, pa reaguar me viktimizim për simbole të përdorura me duar – referencë që duket të lidhet me gjestin e shqiponjës që shpesh ka ngjallur debate në ndeshjet mes shqiptarëve dhe serbëve.
“Ne jemi Shqipe! Forca me fitore Shqipëri!”, mbyll reagimin ajo, ndërsa përdor këngën patriotike “Xhamadani Vija Vija” si sfond të mesazhit të saj. /Prive By Liberta Spahiu
