Në një botë ku telefoni është bërë zgjatimi i dorës sonë, ideja për të mos e përdorur atë për 24 orë duket pothuajse e pamundur. Por çfarë ndodh me trupin dhe mendjen nëse vendos të shkëputesh për një ditë të plotë?
Eksperimentet dhe studimet në fushën e psikologjisë tregojnë disa rezultate befasuese:
Nivelet e stresit bien ndjeshëm, pasi truri çlirohet nga presioni i njoftimeve dhe kërkesave të vazhdueshme.
Gjumi përmirësohet, falë mungesës së dritës blu që zakonisht ndërhyn në prodhimin e melatoninës.
Fokusi dhe produktiviteti rriten, pasi nuk ka ndërprerje nga mesazhe apo rrjete sociale.
Lidhjet sociale reale forcohen, kur vëmendja zhvendoset nga ekrani tek njerëzit përreth.
Megjithatë, shumë persona përjetojnë edhe efekte anësore në fillim: ankth, nervozizëm dhe ndjesi izolimi – të cilat janë shenjë e varësisë së krijuar nga teknologjia.
Nëse ke ndjesinë se telefoni po të kontrollon ty – ndoshta është koha të provosh një “digital detox” për 24 orë. Trupi dhe mendja do të të falënderojnë! /Prive By Liberta Spahiu
