E shtuna solli një tjetër ngjarje që mblodhi plot fytyra publike.
Në zemër të Prishtina Mall, përfaqësues të botës së modës, figura publike dhe dashamirës të cilësisë u mblodhën për të mirëpritur zyrtarisht një emër që flet vetë – Bufalo Shoes.
Një histori suksesi që fillon në vitin 1999 në Shqipëri dhe që sot, pas më shumë se dy dekadash përkushtim ndaj stilit dhe cilësisë, vjen më në fund pranë konsumatorit kosovar. Bufalo është ndërtuar me themel mbi besimin – duke ofruar produkte autentike prej lëkure të punuar me kujdes, që nga këpucët për meshkuj e femra, deri te çantat, valixhet e aksesoret që plotësojnë çdo pamje moderne.
Prania në Prishtinë nuk është rastësi. Është një ëndërr e hershme, një plan i menduar gjatë, që më në fund u realizua këtë fundjavë me një hapje të denjë për historinë që kjo markë mbart.
Çka e dallon Bufalon në një treg që ndryshon çdo ditë, është aftësia për të qëndruar i përhershëm në një botë të përkohshme: cilësia, stili dhe çmimi i drejtë janë tre shtyllat ku mbështetet kjo markë. Në një kohë kur konsumatori kërkon gjithnjë më shumë për vlerë reale, Bufalo ka mbetur sinonim i besimit.
Momenti më i veçantë i eventit ishte prerja e shiritit, e kthyer në një moment emocional dhe plot domethënie – një dedikim i ndjerë për njeriun vizionar që nisi këtë rrugëtim 25 vite më parë.
Tashmë, me hapjen e dyqanit të ri në Prishtina Mall, konsumatorët në Kosovë kanë mundësinë të përjetojnë nga afër atë çfarë Bufalo përfaqëson: një përzgjedhje ekskluzive produktesh, një ambient të rafinuar dhe një shërbim mikpritës që kupton stilin, por mbi të gjitha kupton nevojat dhe shijet e klientit shqiptar.
Bufalo nuk është thjesht një dyqan. Është një rrëfim i suksesshëm që vazhdon të shkruhet – tani edhe në Kosovë. /Prive By Liberta Spahiu
