Zeynep Su Candan, motra më e vogël e influencueses së ndjerë turke Nihal Candan, u shfaq me lot në sy në emisionin “Esra Ezmeci ile Yeni Baştan” në Beyaz TV, ku tregoi rrëfimin e saj tronditës për momentet e fundit të jetës së motrës dhe sjelljet e ish-bashkëshortit të saj, Mehmet Faruk Çiçek.
Sipas Zeynepit, pas burgosjes së Nihalit dhe përkeqësimit të gjendjes së saj shëndetësore, ajo u shtrua në spital.
Zeynep tha se dy orë para se motra të vdiste, Faruku shkoi në spital vetëm për të marrë hallallin, për të shmangur reagimin e opinionit publik. “Erdhi vetëm dy orë para vdekjes për të kërkuar hallallin nga motra ime, që të mos linçohej publikisht” tha ajo.
Por ajo që ka shkaktuar më shumë zemërim ishte pretendimi i Zeynepit se Faruku organizoi një festë me alkool dhe vajza në shtëpi vetëm tre ditë pasi motra e saj u burgos.
“Ai bëri festë në shtëpi, me vajza dhe alkool, menjëherë pas burgosjes së motrës sime. Kemi video si prova.”
Për më tepër, Zeynep shokoi publikun me një mesazh që, sipas saj, Faruku ia kishte dërguar.
“Ia morëm telefonin pasi vdiq. E pamë çfarë shkroi, a e dini? Faruk i kishte shkruar Nihalit: ‘Nëse nuk përgjigjesh, kunata është më e ëmbël se mjalti, do t’u shkruaj gjithsesi!’ Çfarë lloj mentaliteti është ky? Unë jam vetëm një fëmijë. Si mund t’ia shkruajë këtë motrës sime?
Zeynepi shtoi se familja kishte kërkuar vazhdimisht që Faruku të vinte në spital, por ai nuk u përgjigj. “E telefonuam që të vinte në spital, por nuk u përgjigj deri krejt në fund.”. /Prive By Liberta Spahiu
