Këngëtari Butrint Imeri sot feston ditëlindjen. I lindur më 3 korrik 1996 në Gjilan, ai sot mbush 29 pranvera.
Butrinti që në moshë të re tregoi pasion për muzikën.
Karriera e tij muzikore mori hov rreth vitit 2015, kur ai publikoi këngën “Ki Me Lyp” një hit që do t’i hapte rrugën drejt suksesit në industrinë muzikore shqiptare.
Me një stil unik që kombinon R&B, pop dhe ritme moderne, Butrinti u dallua shpejt për vokalin e tij të veçantë dhe performancat karizmatike.
Ai bashkëpunoi me emra të mëdhenj të muzikës shqiptare, duke u kthyer në një figurë të dashur për publikun.
Performancat e tij në koncerte dhe festivale gjithmonë kanë qenë ndër më të priturat, ndërsa çdo publikim i ri i tij shoqërohet me interes të madh në rrjetet sociale dhe platforma muzikore.
Por cilat janë pesë këngët e tij më të klikuara? Në ditëlindjen e tij, ju sjellim top 5 nga hitet e shumta që ai ka e të cilat mund të mos i keni dëgjuar që disa kohë.
1. Dale – Bashkëpunimi me Ledri Vulën dhe Kidën me 203 milionë shikime
2. Dujem – me 144 milionë shikime
3. Corazon – Bashkëpunim me Don Xhonin me 94 milionë shikime
4. “Kuku” – 84 milionë shikime
5. Bella – 76 milionë shikime
