Pas pesë vitesh pritje, rikthehet një nga treshet më të përfolura të skenës muzikore shqiptare.
Sonte, në ora 20:00, publikohet kënga më e re e titulluar “Tint”, një bashkëpunim i dytë mes Taynës, MC Kreshës dhe Lyrical Son.
Ky rikthim vjen pas suksesit të bashkëpunimit të tyre të parë, “Pasite”, këngë e cila u publikua pesë vite më parë dhe që deri sot ka grumbulluar mbi 55 milionë shikime në YouTube, duke u kthyer në një nga hitet më të mëdha të verës së atij viti.
Pak ditë më parë, gjatë një interviste për Prive By Liberta Spahiu, Lyrical Son konfirmoi se një projekt me Taynën ishte në përgatitje, një deklaratë që ndezi kureshtjen e fansave dhe shtoi pritshmëritë për një rikthim të fuqishëm të kësaj tresheje.
Sonte, ajo pritje merr fund.
Me një titull të fortë,duket se artistët kanë përgatitur diçka që nuk kalon pa zhurmë. / Prive By Liberta Spahiu.
View this post on Instagram
