Refreni që ka pushtuar “TikTok”-un dhe i ka futur plot në ritmin e tij ka marrë më në fund formën e plotë muzikore. Kënga “Qmend”, që për disa ditë ka qenë kolona zanore e videove trendi, është publikuar zyrtarisht në YouTube nga Kevin Edmond, ish-banori karizmatik i Big Brother VIP Kosova 3.
Me vulën e BigDeal Records, ky projekt nuk është thjesht një këngë — është një shpërthim vere.
Vetë Kevin, me stilin e tij të njohur lozonjar dhe ritmik, ka kërkuar që publiku ta lëshojë veten dhe ta “çmendë” këtë verë – si në jetë, si në dashuri, si në TikTok.
Nga një zë brenda shtëpisë më të famshme në Kosovë, në një zë që dëgjohet kudo.
Kënga është energjike, ngjitëse dhe pa diskutim e lindur për skenën digjitale.
Tani më në fund mund ta dëgjoni të plotë — në videon më poshtë. Mos thuaj që s’të paralajmëruam: pas këtij refreni, vera s’ka më kthim mbrapa!
/Prive By Liberta Spahiu
