Një moment i sikletshëm në koncertin e Coldplay, ku CEO i kompanisë teknologjike Astronomer, Andy Byron, i martuar u kap nga “Kiss Cam” duke u afruar me kolegen e tij, u bë viral dhe ndezi rrjetin.
Në kulmin e komenteve dhe reagimeve, Sunny Hill Festival vendosi ta përfshijë këtë element si pjesë zyrtare të edicionit të sivjetmë që mbahet nga 1–3 gusht në Prishtinë.
Me një postim me humor në Instagram, organizatorët paralajmëruan: “KUJDES!!! Kiss Cam po vjen në Sunny Hill këtë vit”, duke i ftuar të gjithë që të zgjedhin me kujdes personin që do marrin me vete në festival.
Elementi i famshëm për skena spontane dhe gazmore pritet të shtojë edhe më shumë energjinë e festivalit më të madh në Kosovë.
“Kiss Cam” është i njohur për krijimin e momenteve të papritura e shpesh gazmore në ngjarje sportive dhe koncerte në gjithë botën, por pas këtij incidenti, është bërë edhe më i komentuar. /Prive By Liberta Spahiu
View this post on Instagram
