Pas një incidenti të ndodhur ditën e sotme në një lokal, ku një qytetar u përplas me deputeten e VV-së, Fitore Pacolli, duke e quajtur “hajneshë”, ka reaguar edhe deputetja dhe aktorja e njohur, Adriana Matoshi.
Në një postim në Facebook, Matoshi ka shprehur lodhjen ndaj dhunës verbale dhe frikësimit që, sipas saj, burrat tentojnë të ushtrojnë ndaj grave në rrugë, punë, politikë e jetë.
“Jom lodhe me burrat që mendojnë se mund të na frikësojnë… Nuk do ta heshtni as atë, as ne”, shkruan ajo ndër të tjera, duke theksuar se çdo grua që sulmohet sepse guxon të ekzistojë e lirë dhe me zë, nuk është e vetme. Ajo shton: “Jemi shumë. Jemi bashkë. Dhe nuk ndalemi.”
Në fund të postimit, ajo kujton edhe një përvojë personale kur u sulmua dikur publikisht: “Shkruan një grua që njëherë në mes të sheshit u godit me flakëresh nga një burrë i panjohur.”
Ky reagim vjen në mbështetje të koleges së saj në Kuvend dhe në shenjë solidariteti me të gjitha gratë që përballen me dhunë apo frikësim në hapësirat publike. /Prive By Liberta Spahiu
