Aktori dhe muzikanti i njohur Jamie Foxx ka reaguar ashpër ndaj një teorie të pazakontë që qarkullon kohët e fundit në rrjetet sociale, sipas së cilës reperi Sean ‘Diddy’ Combs dikur është përpjekur ta vrasë atë.
Në një deklaratë publike, Foxx i ka hedhur poshtë kategorikisht këto pretendime, duke i cilësuar si “absurde dhe plotësisht të pavërteta.” Ai theksoi se nuk ka ndodhur kurrë asnjë incident i tillë dhe se marrëdhënia e tij me Diddy ka qenë gjithmonë e respektueshme dhe pa konflikte.
“Kjo është një nga ato teori që dalin nga hiçi dhe krijojnë panik e thashetheme të kota. Asgjë nga ato që thuhet nuk është e vërtetë,” – është shprehur Foxx.
Jamie Foxx, i njohur për rolet e tij në filma si Ray, Django Unchained dhe Collateral, po vazhdon aktivitetin e tij artistik pas një periudhe të vështirë shëndetësore vitin e kaluar.
Kujtojmë që Sean “Diddy” Combs ndodhet aktualisht në paraburgim si pjesë e një hetimi federal për trafikim seksual, shfrytëzim dhe pastrim parash. Ai akuzohet për përfshirje në një rrjet të organizuar abuzimi që përfshinte përdorimin e influencës së tij për të kontrolluar dhe shfrytëzuar viktima gjatë viteve të karrierës së tij. /Prive By Liberta Spahiu
