Ledri Vula dhe Sara Hoxha, ndonëse i kanë ndarë rrugët prej disa muajsh, vijojnë të jenë në fokusin e mediave rozë. Ndarja e tyre, pas një lidhjeje disa vjeçare dhe një vajze të përbashkët, ka marrë vëmendje të madhe publike – por duket se festivali Sunny Hill i ka sjellë për pak çaste në të njëjtin vend.
Të dy kanë publikuar pamje nga nata e parë e festivalit, duke shprehur entuziazmin e tyre për performancën e Dua Lipës në skenën e Prishtinës. Megjithëse nuk kanë qenë bashkë, praninë në të njëjtin ambient shumë e kanë lexuar si një takim simbolik – pa asnjë afrim personal.
Ndërkohë, Sara Hoxha është tashmë në një lidhje të re me Erik Fullanin, ndërsa Ledri po shijon kohën pranë vajzës së tij dhe projekteve muzikore.
Muzika mbetet një gjuhë e përbashkët që i bashkon edhe ata që dikur kanë ndarë jetën.
/Prive By Liberta Spahiu
