Prej kohësh, dyshja e njohur Armonda dhe Flamuri janë zhdukur nga rrjetet sociale, çka ka bërë që të shpërthejnë spekulimet për një ndarje të mundshme. Por Armonda më në fund ka reaguar – dhe ajo që zbulon është shumë më e thellë se thjesht thashetheme.
Në një rrëfim të ndjerë dhe të dhimbshëm, ajo pranon se nuk është mirë dhe se po kalon një periudhë të errët në jetën e saj private:
“Ka ndodhur shumë gjë në jetën time personale që po mundohem t’i përballoj vetë. Nuk e di as vetë pse ndjehem kështu – jam bosh, e rraskapitur, e mbingarkuar. Kam frikë, kam ankth, më kapin sulme paniku dhe ndjehem keq edhe në hapësira të mbyllura. As gjumi nuk më zë.”
Përballja me jetën e përditshme është bërë e vështirë për të:
“Dal vetëm kur është me patjetër – për punë ose për të parë familjen. Çdo gjë tjetër më duket shumë e rëndë.”
Kjo është arsyeja pse ajo është tërhequr nga rrjetet sociale. Dhe megjithëse nuk e di se sa do të zgjasë kjo pauzë, ajo është e qartë: shëndeti i saj vjen i pari.
Ajo i lutet ndjekësve të respektojnë heshtjen e saj dhe tregon se nuk dëshiron të japë detaje për gjithçka që po kalon. Por një gjë e thotë qartë: nuk është ndarë nga Flamuri.
“Jo, unë dhe Flamuri nuk jemi ndarë – përkundrazi, jemi më të lumtur se kurrë. Por ka arsye pse nuk shihni më shumë përmbajtje nga ne bashkë. Marrëdhënia jonë ka vuajtur shumë nga presioni publik dhe për këtë arsye kemi vendosur ta mbrojmë privatësinë tonë. Dhe kjo na ka bërë shumë mirë.”
Në fund, Armonda e përmbyll me një mesazh të qartë: ajo ka nevojë për qetësi, për shpirtin dhe shëndetin e saj.
“E di që më mungoni dhe kjo më prek. Por tani për tani, më duhet kjo pauzë.”
/Prive By Liberta Spahiu.
