Javët e fundit, ish-banorja e edicionit të tretë të Big Brother VIP Kosova, Anisa Veseli, ka qenë një nga emrat më të përfolur në mediat online dhe rrjetet sociale.
Shkak për këtë është bërë jeta e saj sentimentale, e cila ka ngjallur shumë kuriozitet dhe diskutime nga publiku.
Anisa u përfol për një lidhje dashurie me ish banorin e Big Brother, Eduart Kuçin.
Dyshja u shfaqën shpeshherë pranë njëri-tjetrit, duke nxitur aludime për një romancë mes tyre.
Por, ditë më parë, u vu re se ata kishin hequr njëri-tjetrin nga lista e ndjekësve në Instagram, një veprim që tregonte për një ndarje të mundshme.
E mes gjithë kësaj zhurme virtuale, Anisa ka vendosur të flasë vetë.
Përmes një sesioni pyetjesh-përgjigjesh në Instagram, ajo është shprehur pa doreza lidhur me statusin e saj sentimental.
E pyetur nëse është në një lidhje dashurie, ajo ka dhënë një përgjigje të drejtpërdrejtë:
“I’m single, ready to mingle”
Ajo e ka shoqëruar përgjigjen edhe me një mesazh tjetër ku thekson:
“Këtë vit jam vetëm unë, vetja dhe unë,” duke nënkuptuar se ka zgjedhur të përqendrohet tek vetja.
Me këtë deklaratë publike, Anisa ka vendosur t’i japë fund zërave dhe spekulimeve që e kanë shoqëruar javët e fundit.
Ajo duket më e qartë se kurrë për atë që kërkon dhe preferon, duke treguar një Anisë të vendosur, të pavarur dhe të përkushtuar ndaj vetes. /Prive By Liberta Spahiu
