Një moment i papritur gjatë një prej koncerteve të Malumas në Ciudad de México është bërë viral, duke ndezur diskutime në rrjete sociale.
Teksa performonte përpara mijëra fansave, këngëtari kolumbian vuri re në publik një nënë me fëmijën e saj të vogël, rreth një vjeç, pa mbrojtje për veshët.
Maluma ndaloi muzikën dhe, me një ton të respektueshëm por të drejtpërdrejtë, iu drejtua asaj nga skena: “Me gjithë respekt… sa vjeç është? Një vjeç? Mendoni se është ide e mirë të sillni një fëmijë njëvjeçar në një koncert ku decibelët janë në këtë nivel? Zëri këtu është shumë i lartë… ju lutem, mbroni veshët e tij ose bëni diçka. Ju po e tundni sikur të ishte një lodër… ai fëmijë nuk dëshiron të jetë këtu.”
Fjalët e tij shkaktuan reagime të shumta nga publiku, disa duke e duartrokitur për kujdesin si baba dhe artist, e të tjerë duke e diskutuar nëse ndërhyrja e tij ishte e përshtatshme. Vetë Maluma, që tani është baba i një vajze, e ka treguar shpesh ndjeshmërinë e tij ndaj çështjeve që lidhen me sigurinë e fëmijëve, dhe ky gjest u pa si një shembull i përgjegjësisë në skenë.
Pamjet nga momenti janë shpërndarë me shpejtësi në rrjetet sociale, duke ndezur debate mbi prindërimin, sigurinë e të vegjëlve dhe rolin që kanë artistët kur përballen me situata të tilla. /Prive By Liberta Spahiu
@latinus_us Es un acto de irresponsabilidad: Maluma regaña a fan por llevar a un bebé a su concierto. #Latinus #InformaciónParaTi ♬ original sound – Latinus
