Monika Salihu ka reaguar ashpër pas përhapjes së lajmeve të rreme në rrjet se legjenda e boksit Aziz Salihu ka ndërruar jetë.
Në një postim në rrjete sociale, ajo ka hedhur poshtë këto pretendime, duke theksuar se babai i saj është gjallë dhe në jetë, ndërsa ka shprehur indinjatën për shpërndarjen e një lajmi të tillë pa asnjë verifikim.
“Shpresoj t’ia zgjasë Zoti ymrin babës tem por është gënjeshtër se nuk ka vdek. Ju mbuloftë Zoti me turp, çka me ju thonë tjetër” – ka shkruar Monika, duke i shoqëruar fjalët me një reagim të qartë ndaj portaleve që publikuan lajmin e pavërtetë.
Ky zhvillim vjen vetëm disa ditë pasi Monika ndau me publikun një moment delikat për familjen e saj, duke treguar se babai, kampioni i madh i boksit, është diagnostikuar me sëmundjen e Alzheimerit.
Lajmi i sotëm, i bazuar në informacion të pavërtetë, ka shtuar edhe më shumë tronditjen emocionale për familjen, ndërkohë që ajo apelon për kujdes dhe përgjegjësi në raportimin mediatik. /Prive By Liberta Spahiu
