Më 13 gusht, Taylor Swift njoftoi në Instagram se albumi i saj i 12-të në studio, The Life of a Showgirl, do të publikohet më 3 tetor. Bashkë me lajmin, ajo ndau edhe kopertinën, ku shfaqet e veshur me një trup me xixa e prerje të hapura, e shtrirë në ujë, me buzëkuq të kuq dhe grim sysh të theksuar. Ajo shkruajti: “Dhe, zemër, kjo është bota e spektaklit për ty.”
Albumi është prodhuar nga vetë Swift, Max Martin dhe Shellback.
Në fotografi të tjera, ajo paraqitet me veshje tipike të një showgirl-i: me gurë, pendë dhe aksesorë për kokën.
Swift publikoi edhe listën e këngëve, ku përfshihet bashkëpunimi me Sabrina Carpenter në titullin e albumit. Këngët e tjera janë:
“Elizabeth Taylor”
“Ruin the Friendship”
“Honey”
“Actually Romantic”
“CANCELLED!”
“Eldest Daughter”
“Father Figure”
“Opalite”
“The Fate of Ophelia”
Lajmi u dha edhe në një video në Instagram gjatë podcast-it New Heights, i drejtuar nga partneri i saj Travis Kelce dhe vëllai i tij, Jason Kelce.
Në video, Swift shfaqet me një çantë mente me inicialet “T.S.”, ku ndodhej albumi i ri. Travis reagoi me entuziazëm: “TS 12!”
Në atë moment, kopertina nuk ishte zbuluar ende. Më vonë, në faqen e saj u shfaq një grafikë me ngjyrë mente dhe portokalli, me mundësi për të porositur vinyl, kasetë dhe CD (ky i fundit vjen me poster).
Në sfondin e videos u panë libra me kopertina portokalli të artistëve si Jean-Michel Basquiat, Marc Chagall dhe Ruth Asawa.
Më 11 gusht, Swift publikoi në faqen e saj një numërues me sfond portokalli me shkëlqim dhe shifra në mente, që skadoi në 12:12 të mëngjesit. U konfirmua gjithashtu se ajo do të ishte e ftuar në New Heights më 13 gusht.
Gjatë podcast-it, Swift komplimentoi bluzën blu të Travis, të cilën ai e krahasoi me sytë e saj. Ajo tha me entuziazëm: “Po bëjmë një podcast të çmendur!”
Përpara publikimit të videos, New Heights publikoi një imazh misterioz me siluetën e Swift dhe një sfond portokalli me shkrime mente, të njëjtë me ato të faqes së saj.
Albumi i saj i mëparshëm, The Tortured Poets Department, u publikua në vitin 2024./Prive By Liberta Spahiu
View this post on Instagram
