Mesnatën e sotme, atmosfera në shtëpinë e çiftit të njohur të muzikës shqiptare, Iliriana Sadriu dhe Adri Rogoqi, ishte e mbushur me emocione, dashuri dhe surpriza.
Sapo ora shënoi kalimin në ditën e saj të veçantë, këngëtarja e dashur për publikun u befasua nga bashkëshorti me një gjest romantik që nuk mund të kalonte pa u vënë re.
View this post on Instagram
Adri Rogoqi, i cili gjithashtu është një emër i njohur i skenës muzikore, kishte përgatitur një buqetë të madhe e luksoze trëndafilash të kuq, të shoqëruar me një orkide të bardhë elegante dhe një unazë plot shkëlqim.
Por surpriza nuk mbaroi me kaq – një kartolinë me një dedikim të ndjerë e kompletoi momentin, duke e bërë edhe më të paharrueshëm:
“Gëzuar ditëlindjen zemra ime! Ti je kënga më e bukur që zemra ime di ta këndojë çdo ditë…”.
Ky moment i ëmbël u ndanë me ndjekësit në rrjetet sociale nga vetë Iliriana, e cila shoqëroi fotot me fjalët “Të dua” dhe një emoji emocional, duke treguar se sa shumë e kishte prekur gjesti i Adrit.
Çifti, që prej lidhjes së tyre është kthyer në një nga çiftet më të pëlqyer të publikut, njihet për harmoninë dhe mbështetjen që i japin njëri-tjetrit si në jetë ashtu edhe në karrierë. Të dy artistë të suksesshëm në muzikë, ata shpesh ndajnë me fansat copëza të lumturisë së tyre, por kjo surprizë e mesnatës është padyshim një nga ato momente që do të mbetet gjatë në kujtesë.
Në këtë ditë të veçantë, urimet për Ilirianën kanë vërshuar nga miq, kolegë dhe fansa, ndërsa dashuria dhe dedikimi i Adri Rogoqit e bënë fillimin e ditëlindjes së saj edhe më të bukur.
Urime edhe nga ne! /Prive By Liberta Spahiu
