Producenti i njohur Jerry Bruckheimer ka bërë të ditur se ka pasur bisedime me Johnny Depp për rikthimin e tij në rolin ikonik të Kapiten Jack Sparrow në filmin e gjashtë të sagës “Piratët e Karaibeve”.
“Nëse atij i pëlqen mënyra si është shkruar roli, mendoj se do ta pranojë. Gjithçka varet nga ajo që është në skenar…”, u shpreh Bruckheimer.
Filmi i fundit i kësaj serie, “Dead Men Tell No Tales”, u publikua në vitin 2017, ndërsa thashethemet për një vazhdim të gjashtë kanë qarkulluar që nga viti 2019.
Rikthimi i Depp-it do të ishte një zhvillim i rëndësishëm si për vetë aktorin, ashtu edhe për kompaninë Disney, e cila ndërpreu bashkëpunimin me të gjatë procesit gjyqësor të shumëpërfolur për shpifje mes tij dhe ish-bashkëshortes Amber Heard.
/Prive By Liberta Spahiu
