Prej kohësh, aktori Flamur Aliji ka bërë viral në rrjet një të mitur i cili jeton në kushte të vështira në Prizren.
Ai ka realizuar mbi 60 video me të të cilat kanë hapur diskutimin nëse është qëllim i pastër apo shfrytëzim për përfitime të tjera.
@prive.libertaspahiu Prej disa javësh, postimet e aktorit Flamur Aliji kanë ngjallur shumë reagim në rrjet. Ai ka ngrohur zemrat e ndjekësve me ndihmën për Samirin e vogël. Atë e bëri me lodra e rroba të reja. Por pas 47 postimeve, disa prej ndjekësve po mendojnë ndryshe. Ndihmë apo shfrytëzim për klikime? Na thoni mendimin tuaj. #flami #privebylibertaspahiu ♬ original sound – Prive by Liberta Spahiu
Së fundmi, u bë virale një video e djaloshit të vogël me Alijin ku ai shpreh dëshirën që në të ardhmen kur të rritet të bëhet polic.
E duket se kjo video po shërben që djaloshi i vogël Samiri të bullizohet.
Në një video, atij i kërkohet të rikrijojë reagimin (fatkeqësisht viral tashmë) kur ishte pyetur nga Flamuri se çka donte të bëhej.
I lodhur nga bullizimet e vazhdueshme me gjasë për të njëjtën temë, ai shihet teksa kundërshton ata që po e filmojnë duke iu thënë: ‘Ikni, ikni’.
Mbi ngjarjen ka reaguar gazetari Shëndrit Lumi.
Ai përmes një postimi në Instagram është shprehur mes tjerash:
“Nga humanizmi tek shfrytëzimi – një vijë shumë e hollë që disa e kanë kaluar pa turp. Flamur Alji ka bërë dhjetëra video në TikTok me një fëmijë 5-6 vjeçar nga komuniteti rom, të njohur si “Samiri”, duke e paraqitur si spektakël për klikime. Por realiteti është i hidhur: ky fëmijë nuk është aktor, nuk ka mbrojtje, nuk ka zgjedhur të ekspozohet. Ai është një fëmijë i varfër, dhe tani – falë këtyre videove – është bërë objekt bullizmi në qytet, meme-sh në internet dhe talljeje publike”.
Ky është një tjetër rast që shpërfaqë rrezikun nga ekspozimi në rrjete sociale në kohët e sotme, me pasoja afatgjatë sidomos për më të vegjlit. /Prive By Liberta Spahiu
View this post on Instagram
