Dy motrat dhe këngëtaret e njohura, Adelina dhe Zanfina Ismajli, kanë kujtuar sot nënën e tyre të ndjerë, Monën, në ditëlindjen e saj.
Edhe pse kanë kaluar nëntë vite që kur ajo u nda nga jeta, më 2016, mungesa e saj ndihet po aq e madhe në jetën e tyre të përditshme.
Nëpërmjet një postimi prekës në rrjete sociale, Zanfina ka ndarë një mesazh të gjatë e emocional, duke i dhënë zë dhimbjes dhe mallëngjimit që e shoqëron çdo ditë. Ajo shkroi:
“Kisha dashtë: Me t’përqaf edhe një herë… Me ta qit kryt në krah. Me ta majt dorën. Me t’thonë që: çdo sen ka mu bo mirë. Me dal bashkë me pi kafe. Me na nis dita bashkë. Me t’i largu preokupimet që i ke pas për mu. Me t’tregu që une kom me i’a dal. Në dhomën tande kurgjo s’ka ndryshu. Dhe në fund me t’tregu që çdo natë lutna për ty. Dhe jetoj për ditën kur kom me t’pa apet se ky mall po rritet më shumë çdo herë. Urime ditëlindja, atje në parajsë ku sëmundje nuk ka, ashtu qysh ti e ke meritu me qenë, se mirën çdo sekond t’jetës me kalu.”
Edhe Adelina, përmes një fotografie të vjetër familjare, ka shkruar: “Urime ditëlindja mami. Asgjë nuk është njëjtë pa ty,” duke shprehur kështu boshllëkun që ka lënë humbja e saj.
Jo vetëm në këtë datë, por të tri motrat Ismajli ndajnë postime të shpeshta në rrjete sociale duke kujtuar personin më të veçantë të tyre, nënën. /Prive By Liberta Spahiu
