Pas një periudhe të vështirë ku rrëfeu hapur se po përjetonte ankth, panik dhe lodhje të thellë, Armonda i është rikthyer Instagramit dhe ka vendosur të ndajë një mesazh të sinqertë me ndjekësit.
Një fans e pyeti për gjendjen e saj, duke i uruar mirëseardhje, e Armonda zgjodhi ta kthejë përgjigjen me fjalë të ndjera:
“Për momentin jam mirë, edhe pse ende kam shumë për të përpunuar. Kanë ndodhur shumë gjëra, për të cilat jam e sigurt që një ditë do të flas. Nuk dua të ik nga problemet, sepse për mua është pjesë e procesit të luftosh dhe të ngrihesh përsëri kur bie.”
Ajo shtoi se nuk dëshiron të ikë nga problemet, por të përballet me to:
“Edhe kur brenda meje ndonjëherë dua të qaj, për mua është pjesë e procesit – të luftosh dhe të ngrihesh sërish kur bie.”
Ky rrëfim i saj ka prekur shumë ndjekës, të cilët vazhdojnë t’i shprehin mbështetje dhe dashuri, sidomos tani pas rikthimit në rrjete sociale. /Prive By Liberta Spahiu
