Këngëtarja e njohur Vesa Luma ka ndarë së fundmi me ndjekësit e saj në Instagram një reflektim të sinqertë dhe motivues për periudhën që po kalon në jetën dhe karrierën e saj.
Ajo shkruan: “Vitin tjetër mbush 40 vjet dhe më duket sikur kam rifituar energjinë e 20-vjeçares. Por kësaj here, shumë më e pjekur dhe e gatshme për të luftuar për veten më shumë, për njerëzit që realisht më duan, për ju që më ndiqni çdo ditë, për ato 2-3 shoqe të jetës që kujtohen çdo ditë për mua dhe djalin, për qindra vajza e djem të rinj të talentuar që kërkojnë ndihmë nga unë – ashtu si unë dikur kisha shumë nevojë për dikë që të ma shtrinte dorën.”
Vesa thotë se ndihet mirënjohëse për shëndetin dhe mundësinë që ka për të eksperimentuar me paraqitjet skenike, pa frikën e dikurshme nga paragjykimet. Megjithëse e pranon me keqardhje pauzën e gjatë nga muzika, ajo shprehet se pikërisht kjo distancë i ka dhënë sot energjinë për të rikthyer veten në skenë më e fortë se kurrë.
Në stilin e saj të dashur e të çiltër, Vesa nuk ngurron të bëjë edhe humor me situatën në industrinë muzikore shqiptare, duke shkruar:
“Fat i madh që në këtë moment që po i lançoj këngët e EP time, kolegët e mi s’po blejnë aq shumë klikime në YouTube. Ma kanë heq një gajle të madhe!”
Më pas, ajo iu drejtohet me të njëjtin humor ndjekësve të saj besnikë:
“Po mos më lini pa 1 milion, të paktën!”
Vesa gjithashtu zbulon se gjatë kësaj periudhe i është shtuar edhe sensi i humorit – “Zoti e boft hajr!” – dhe jep një lajm të mirë për fansat e saj: është gati të lançojë një biznes të ri, i cili do të nisë zyrtarisht në fundvit.
Mes emocioneve, planeve të reja dhe humorit që e karakterizon, ajo e mbyll mesazhin e saj me shumë dashuri:
“Ju dua shumë! Këtë vikend del video e parë nga EP – uroj të ju pëlqej!”
/Prive By Liberta Spahiu
