Gigi Hadid, 30 vjeç, publikoi një karusel fotosh në Instagram nga festa shumëngjyrëshe e ditëlindjes së 5-të të vajzës së saj, Khai, ku nuk munguan torta në formë zemre, balonat dhe aktivitetet krijuese.
Postimi përfshinte edhe dy momente të ëmbla mes saj dhe Khai-t, duke u përqafuar.
Në përshkrimin e fotove, ajo shkroi:
“Të festojmë ty në ditën më të mirë ndonjëherë, çdo vit. Gëzuar ditëlindjen e 5-të, drita e jetës sime! Je gjithçka për mua, ndihem me fat dhe krenare që jam nëna jote.”
Hadid ndan Khai-n me ish-anëtarin e One Direction, Zayn Malik, 32 vjeç. Dyshja u nda në tetor 2021 pas gati gjashtë vitesh lidhje, por vazhdojnë të jenë të bashkuar në rritjen e vajzës së tyre.
Në një koment në Instagram, një ndjekës shkroi:
“Do doja që edhe babai i saj të ishte aty.”
Hadid u përgjigj:
“Khai ishte me të dy ne në ditëlindjen e saj.”
Nuk dihet nëse prindërit organizuan festa të ndara, por Khai, që ka ditëlindjen më 19 shtator, duket se e ka shijuar ditën pranë të dyve.
Në një intervistë për Vogue, Gigi foli për mëmësinë dhe idenë e gabuar të “nënës perfekte”:
“Për shumë nëna ekziston një imazh i përsosur se si duhet të jenë. Ne rritemi së bashku. Çohesh në mëngjes dhe bën më të mirën – dhe e kupton se është e mjaftueshme. Nuk mund të planifikosh gjithmonë gjithçka.”
Ajo shtoi:
“Tani i jap vetes mëshirë dhe e vlerësoj sa shumë kam përballuar. Hap pas hapi, kam mësuar. Ia dola.”
“E lumtur që jam bërë nënë e re” – Gigi për balancën mes jetës dhe punës
Në një intervistë për The Sunday Times në vitin 2023, Gigi tha:
“Jam shumë e lumtur që jam bërë nënë në moshë të re.”
Ajo shtoi se përpiqet të planifikojë angazhimet kur Khai është me babain e saj, duke theksuar:
“Fakti që ajo mund të jetë me të dy prindërit më bën shumë të lumtur.”
Zayn Malik: “Khai është personi më i rëndësishëm në jetën time”
Në ditëlindjen e 4-t të Khai-t (2024), Malik i kushtoi një postim të ndjerë në Instagram:
“Jam krenar që të quaj vajzën time. Mirënjohës për çdo sekondë pranë teje, ndërsa rritesh në personin e mrekullueshëm që je.”
Gigi dhe Zayn konfirmuan pritjen e një fëmije në prill 2020 dhe e mirëpritën Khai-n në shtator të po atij viti, përmes një lindjeje natyrale në shtëpi. Emri i saj u bë publik pak më vonë.
Megjithëse ndarja e tyre në 2021 ndodhi pas një përplasjeje të supozuar mes Malik dhe Yolanda Hadid (nënës së Gigi-t), të dy vazhdojnë të jenë prindër të përkushtuar për Khai-n./Prive By Liberta Spahiu
View this post on Instagram
