Aktorja e njohur turke, Devrim Özkan, është kthyer sërish në titujt e mediave rozë pas pamjeve të fundit që kanë qarkulluar.
Bukuroshja turke është fotografuar së fundmi në një lokal, ku është parë duke kaluar momente të afërta me yllin e volejbollit francez, Trevor Clevenot. Pamjet e tyre kanë shkaktuar interes të madh te fansat dhe mediat, duke hapur diskutime mbi natyrën e marrëdhënies mes tyre.
Në rrjetet sociale janë shtuar aludimet për një romancë të re, sidomos pasi Özkan është shfaqur dy herë brenda një jave në shoqërinë e sportistit. Megjithatë, deri tani as aktorja dhe as Clevenot nuk kanë dhënë ndonjë deklaratë që të konfirmojë ose të mohojë thashethemet.
Vetë Devrim Özkan, e pyetur pak ditë më parë për jetën e saj private, u shpreh: “Nuk jam në një marrëdhënie, jam shumë mirë tani”, duke i lënë fansat edhe më kuriozë për atë që po ndodh në të vërtetë.
Pas ndarjes së bujshme nga futbollisti uruguajan Lucas Torreira, duket se çdo lëvizje e aktores po ndiqet me shumë vëmendje. Për momentin, ajo dhe Clevenot nuk kanë folur publikisht për raportin e tyre, por pamjet e fundit tregojnë se dyshja po e shijon shoqërinë e njëri-tjetrit.
Mbetet për t’u parë nëse këto thashetheme do të kthehen në një konfirmim zyrtar, apo bëhet fjalë vetëm për një miqësi të thjeshtë. /Prive By Liberta Spahiu
@magazinburada Devrim Özkan, iki gün önce görüntülendiğinde arkadaşım dediği voleybolcu Trevor Clevenot ile dün gece bir mekanda eğlenirken görüldü. Gece boyu birlikte vakit geçiren ikili bol bol sohbet edip dans etti. 💥👀 #devrimözkan #trevorclevenot #aşk ♬ orijinal ses – MagazinBurada 
