Në vitet 1970, një vajzë 11-vjeçare nga New Jersey, SHBA, me emrin Debbie Houschild, dhe një vajzë e bashkëmoshatare nga Anglia, Jane Bean, u bënë shoqe me korrespondencë.
Ato u përputhën falë një emision televiziv për fëmijë të quajtur Big Blue Marble, i cili synonte të lidhte fëmijët nga e gjithë bota përmes letrave dhe miqësive ndërkulturore.
Kjo korrespondencë e thjeshtë u kthye në një lidhje që do të zgjaste më shumë se pesë dekada.
Përmes letrave, më pas telefonatave dhe me kalimin e kohës edhe përmes rrjeteve sociale, Debbie dhe Jane ndanë momente të mëdha të jetës — gëzime, sfida, rritje personale dhe familjare — duke ruajtur një miqësi të vërtetë, përkundër faktit që jetonin rreth 3,500 milje larg njëra-tjetrës (rreth 5,600 km).
Për vite me radhë, takimi i tyre në jetë reale mbeti një ëndërr.
Por më në fund, në gusht të vitit 2025, Debbie Houschild, tashmë nënë, udhëtoi së bashku me vajzat e saj drejt Londrës, për të takuar për herë të parë në person mikeshën e saj të vjetër, Jane.
Momenti i parë që u takuan ishte i mbushur me emocione të forta.
Përqafimi i tyre i parë, pas gjithë atyre viteve miqësie në distancë, ishte një përmbushje e një lidhjeje që kishte qëndruar gjallë dekadë pas dekade.
Ato kaluan kohë duke vizituar Londrën, duke ndarë kujtime dhe duke lexuar me nostalgji letrat e vjetra që kishin ruajtur ndër vite.
Ky takim i veçantë shënoi jo vetëm realizimin e një ëndrre të gjatë, por edhe një dëshmi të fuqishme se si një miqësi e filluar me një letër të vetme mund të lulëzojë në një lidhje të qëndrueshme dhe të thellë, përtej kufijve, kulturave dhe kohës.
/Prive By Liberta Spahiu
