Mjekja Albulena Fazliu është shqiptarja e vetme që po merr pjesë në misionin ndërkombëtar humanitar “Global Sumud Flotilla”, një grup anijesh që po lundrojnë në Detin Mesdhe me qëllimin për të dërguar ndihma humanitare për Gazën.
Në një video të publikuar në Instagram, ku shihen disa varka lundrimi me vela, Albulena ndau pamje nga deti, duke i etiketuar organizatat që po udhëheqin këtë flotë solidariteti.
Flota është nisur nga portet e Mesdheut, dhe përmes këtij udhëtimi simbolik po kërkon të tërheqë vëmendjen ndërkombëtare mbi krizën humanitare në Gaza dhe nevojën për hapjen e rrugëve të ndihmave.
Kjo është iniciativa e parë e këtij lloji ku merr pjesë një përfaqësuese nga Kosova, e cila po kontribuon si mjeke vullnetare, gati për të ndihmuar në çdo mënyrë popullatën palestineze.
Sipas postimit të saj, flota ndodhet në ujërat e Mesdheut pranë ishujve grekë, në rrugëtimin drejt brigjeve të Gazës.
Ky veprim humanitar ka marrë mbështetje të madhe në rrjetet sociale, ndërsa shumë shqiptarë kanë shprehur krenari dhe solidaritet për mjeken kosovare që po përfaqëson vendin në një nismë globale për paqe. /Prive By Liberta Spahiu
View this post on Instagram
